Siglir tar il cuntegn

Header

cuntegn

Litteratura Joachim B. Schmidt gudogna Premi grischun da litteratura

Joachim B. Schmidt survegn il Premi grischun da litteratura 2023 dotà cun 10’000 francs per ses cudesch «Tell». Ina istorgia dinamica, captivanta ed intelligenta che vegnia raquintada en moda raffinada e briglianta. La surdada dal premi ha lieu ils 14 d’avrigl 2023.

Schmidt è creschì si sin la Mantogna ed è emigrà avant 25 onns en l'Islanda. El scriva per il «Pöstli» ed en la «Südostschweiz» e celebrescha sias vernissaschas mintgamai sin la Mantogna.

Tell

«Entamez il prà tschenta in urs.» Gia l’emprima frasa ha forza, scriva la giuria. Ed a partir da quest urs abandunà taissa Joachim Schmidt frasa per frasa cun schlantsch e finezza linguistica il destin da quest pover uman Tell. El n’è betg adattà per mitus naziunals, el è in marmugn e solitari, in grop che spizza da grascha. El n’ha ni temp ni forza per cumbats da libertad, ha da cumbatter avunda cun sasez.

Cler che Schmidt integrescha en sia istorgia tut ils elements, il salid dal chapè, il tir dal mail, il mazzament dal tiran. El cumbinescha ils dramas cun vieutas e ruttadiras, cun ironia e gronda fantasia ad in raquint intensiv. 20 malfacturs, victimas e cumplizis rapportan en 100 curtas scenas davart la vita da Tell – en moda plastica e palpabla, mintgin cun ses sguard sin l’um eroic. Tell sez vegn pir a pled suenter ch’el ha sajettà il mail giu dal chau da ses figl Walter. Uss l’accumpogna l’autur en il mund scurril da ses pensaments e sentiments, là nua che rumognan tuttas ditgas e legendas.

Ed el agiunscha novas or da sia experientscha sco muntagnard da la Mantogna. Nagut na constat e tut è vair, nus emprendain dal cudesch Tell che la realitad è elastica e che la vardad dependa adina er da la fantasia da quel che viva ella.

Premi grischun da litteratura

Avrir la box Serrar la box

La Fundaziun Premi grischun da litteratura surdat dapi il 1999 mintg’onn in Premi grischun da litteratura dotà cun 10'000 francs.

Or da l'archiv:

audio
Il magliacudeschs – ir atgnas vias
ord Marella dals 01.05.2022. Maletg: RTR, Esther Krättli
laschar ir. Durada: 38 minutas 53 Secundas.

RTR novitads 11:00

Artitgels legids il pli savens