Luzein - Luzein ha ina nova lescha da polizia

La vischnanca da Luzein ha ina nova lescha da polizia. Tenor quella èn fieus artifizials da nov be anc lubids il prim d’avust. Plinavant ha la radunanza communala approvà in credit da 375’000 francs per adattar il Volg a St. Antönien ed in emprest da 250’000 francs per la gestiun forestala – Madrisa. Ils da Luzein han plinavant approvà il quint dal 2021. Quel serra cun in surpli da var 523’000 francs.