La revisiun parziala da la lescha da scola è stada en il center da la radunanza da delegadas e delegads ordinaria da la LEGR, l’uniun grischuna per la magistraglia. La lescha da scola è actualmain en la consultaziun. La LEGR ha formulà pretensiuns en connex cun la revisiun da la lescha.
Tranter auter vai per in augment da paja da la magistraglia grischuna e per il tractament egual da la scolina cun ils auters stgalims da scola. Sco la LEGR scriva, portia la revisiun da la lescha da scola meglieraziuns. Ins stoppia però anc optimar ella.
En pli han ils delegads e las delegadas decidì unanim da lantschar ina petiziun che pretenda che la qualitad da la scolaziun stettia en il center da la revisiun da la lescha.
Or da l'archiv:
video
Emprimas reacziuns sin la revisiun da la lescha da scola
Or da Telesguard dals 31.08.2023.
laschar ir. Durada: 2 minutas 35 Secundas.
