Gia la fin october ha la terra ad Elm squassà duas giadas – da sentir eran las stremblidas er en Grischun. Questa giada ha il Servetsch seismologic svizzer da l'ETH Turitg annunzià ina magnituda da 3,9.
Il terratrembel hai dà mardi suentermezdi a las 13:53. Cun ina tala fermezza da 3,9, pon ins bain sentir el, dentant na po uschè in terratrembel strusch chaschunar donns.
Gia la fin october hai dà ina seria da terratrembels. Il pli ferm aveva lura cuntanschì ina fermezza da 4,3 sin la stgala da Richter. Suenter avevi dà passa 100 terratrembels posteriurs. Il pli ferm ha gì là ina fermezza da 3,6.
