Siglir tar il cuntegn

Header

Il helicopter donnegià vegn ussa examinà a Payerne
Legenda: Tge ch'è propi stà la raschun per l'accident sto anc vegnir sclerì. Polizia chantunala
cuntegn

Maiavilla Helicopter crudà giu cun far exercizis d'atterrar

Sonda avantmezdi è in helicopter crudà giu cun far exercizis d'atterrar sur Maiavilla. Ils dus pilots n'èn betg vegnids blessads ed han pudì bandunar il helicopter senz'agid, scriva la Polizia chantunala.

Ils dus umens sajan in pilot-instructur ed in pilot-scolar. Els hajan exercità uschènumnads atteraments da muntogna. Las emprimas duas emprovas sajan gartegiadas senza problems, suenter la terza partenza haja il scolar-pilot remartgà ch'insatge na constat betg cun il helicopter ed ha perquai surdà il guvernagl al magister da sgol.

Raschun da l'accident nunclera

Ma er quel n'ha betg pli pudì controllar l'helicopter, uschia che quel è crudà giu. Ils dus umens n'èn betg vegnids blessads ed han pudì bandunar l'helicopter sulets. Suenter han els alarmà las forzas da salvament.

Per sclerir la raschun da l'accident, è l'helicopter donnegià vegnì transportà a Payerne per ulteriuras examinaziuns. Per quellas saja uss responsabla la Procura publica federala, scriva la Polizia chantunala vinavant.

audio
Per tadlar: las novitads da las 15:00
ord RTR Audio dals 13.11.2022.
laschar ir. Durada: 3 minutas 36 Secundas.

RTR novitads 15:00

Artitgels legids il pli savens

Scrollar a sanestra Scrollar a dretga