La radunanza communala da Maiavilla vul che la scola cirquitala vegn schlargiada sin in consorzi da scola per tut il Signuradi. Tut las midadas necessarias tar l'urden da scola e la constituziun da la citad èn vegnidas approvadas senza cuntravuschs gievgia saira.
Ussa duain anc la vischnancas da Jenins e Fläsch decider tar lur radunanzas communalas da quest mais.
Nov vehichel per ils pumpiers
Latiers ha la radunanza da Maiavilla decidì da remplazzar il camiun per stizzar dals pumpiers. Il vehichel actual è gia en funcziun dapi 35 onns e na correspundia betg pli a las pretaisas da segirtad actualas. Il credit da 480'000 francs per quel è vegnì acceptà senza cuntravusch.
Er il preventiv per l'auter onn è vegnì approvà. Quel quinta cun in surpli da radund 240'000 francs.