Siglir tar il cuntegn

Header

audio
Ils problems da la tuberculosa da tschiervs
Or da Actualitad dals 19.02.2020.
laschar ir. Durada: 04:36 minutas.
cuntegn

Malsogna contagiusa Grischun anc betg pertutgà da la tuberculosa da tschiervs

La tuberculosa tar tschiervs e las difficultads tranter il Grischun ed il Voralberg.

Il Grischun ed il Principadi da Liechtenstein èn enfin ussa libers da la tuberculosa da tschiervs. Ma las autoritads grischunas guardan cun quitads en direcziun dals guauds dal Voralberg. La raschun: En l'Austria datti adina puspè tschiervs che han la malsogna cronica ed infecteschan er animals da niz, principalmain vatgas.

Dus differents sistems da chatscha

Il corpus delicti è tenor il veterinari chantunal Giochen Bearth, ch'ins pavla en ils reviers da chatscha austriacs la selvaschina durant l'enviern. Il problem: Là nua ch'i vegn pavlà, vegnan blers tschiervs ensemen e la tuberculosa po sa derasar bain. Cuntrari al Grischun – nua che il sistem da chatscha vegn controllà dal stadi e nua ch'il pavlar selvaschina è scumandà – enconuscha l'Austria la chatscha da revier ed ils possessurs dals reviers èn libers da pavlar u apunta betg.

RTR actualitad 12:00

Artitgels legì il pli savens

Nach links scrollen Nach rechts scrollen