En Grischun cumparì in cas da sturnadad bovina, BSE. Quai e l’emprim tal cas dapi il 2020 en Svizra. Tenor l’uffizi veterinar chantunal è la vatga vegnida brischada e charn na saja betg arrivada en la distribuziun da mangiativas. I sa tracta d'in cas atipic.
audio
Il veterinari Giochen Bearth davart il cas atipic
ord RTR Audio dals 13.03.2023.
Maletg: Chantun Grischun
laschar ir. Durada: 17 Secundas.
Cuntrari a la moda classica da la malsogna, po questa furma cumparair spontan senza in connex cun la farina d'animals en il pavel. Spontan munta che la malsogna è sviluppada ord in motiv betg declerabel. Il davos cas enconuschent atipic da BSE en Svizra datescha da l'onn 2020 en il chantun Sviz.
La furma classica da BSE en Svizra è vegnida cumbattida cun success. Dapi il 2015 vala la Svizra perquai sco pajais cun in ristg ch’ins po negliger.