Tavau è in bun exempel per la problematica da segundas abitaziuns. Il president da l'associaziun da locataris Grischun vesa il problem a Tavau tar las bleras segundas abitaziuns che vegnan duvradas mo paucas emnas per onn ed èn la gronda part dal temp simplamain vidas. Tge che po gidar en regiuns turisticas è sch'ins sutaffitta in abitaziun durant ch'ins n'è betg là, per exempel in pèr mais. Quai èn abitaziuns che surtut stagiunaris pon nizzegiar.
60% da las abitaziuns a Tavau èn abitaziuns secundaras.
Gasetta u medias socialas?
Per persunas ch'èn en tschertga d'ina nova abitaziun daventa il «vitamin B» adina pli impurtant. Er da resguardar ils portals online è ina buna varianta. Cun quai che las medias online èn pli sveltas ch'ina gasetta dal di cun inserar abitaziuns libras gida quai er dad esser commember da gruppas en las medias socialas ch'insereschan immobiglias.
Suenter ch'ins ha ina nova abitaziun pon ins anc controllar il pretsch. Sche la locaziun è creschida per plirs tschient francs en congual cun l’affittader avant, han ins la pussaivladad da contestar quai tar il patrun da l'immobiglia. Sche quai na gida nagut, pon ins en in segund pass ir tar l'autoritad da mediaziun.
Per contestar la locaziun han ins temp 30 dis.
