Siglir tar il cuntegn

Header

video
Il martgà e sitg, i dat strusch abitaziuns
Or da Telesguard dals 02.03.2023.
laschar ir. Durada: 3 minutas 59 Secundas.
cuntegn

Mancanza d'abitaziuns Dapertut vegn bajegià e tuttina n'hai naginas abitaziuns

Il martgà d’abitaziuns a Cuira e sitg, quai mussan las 40 abitaziuns libras en tut la citad. Cun tut quai che vegn bajegià reageschan la citad e fatschentas privatas sin la situaziun. Dentant èsi per il mument difficil da chattar in'abitaziuns ch'è pajabla.

Aur da betun

audio
Il martgà d'abitaziuns a Cuira è sitg
ord Actualitad dals 03.03.2023. Maletg: RTR
laschar ir. Durada: 3 minutas 46 Secundas.

Schi’ins conguala la cifra da las abitaziuns libras alura ha quest dumber sa reducì en ils ultims onns. Da l’onn 2020 hai anc dà 250 abitaziuns disponiblas a Cuira, da l’onn 2021 eran quai anc 60 e l’onn passà mo anc 40 abitaziuns. Tenor la docenta ed economa a la Scola auta spezialisada dal Grischun FHGR, Christine Seidler valiteschan suandants puncts il martgà d’abitaziuns:

  • Il svilup da la populaziun che cuntegna la vegliadetgna, la scolaziun e la paja che la glieud ha che vegn a star a Cuira.
  • Ils pretschs per prender a fit abitaziuns.
  • Quant che vegn bajegià ed investì.

La docenta discurra adina puspè d’aur da betun, cun quai manegia ella la valur che las immobiglias han. Ellas èn ina segira valur per investir, ed uschia vegn tenor ella per la gronda part bajegià per investir raps e betg per cuvrir la dumonda d’abitaziuns.

Christine Seidler befasst sich als Dozentin und Ökonomin mit Wohnungsmarkt und Wohnungsmangel
Legenda: Christine Seidler sa fatschenta bler cun il martgà d'abitaziuns en divers lieus. RTR

460 abitaziuns novas duain calmar il martgà

audio
Posiziun da la citad da Cuira davart il martgà d'abitaziuns
ord Actualitad dals 03.03.2023. Maletg: RTR
laschar ir. Durada: 4 minutas 19 Secundas.

La cussegliera da citad Sandra Maissen è conscienta ch'i dat paucas abitaziuns. Dentant è ella optimistica ch’il martgà d’abitaziuns sa remettia puspè cura che tut las 463 abitaziuns ch'èn en construcziun èn prontas per dar a fit. Il motiv ch'i dat uschè paucas abitaziuns disponiblas è, che blera glieud vegn a star a Cuira. Tenor la cussegliera grazia a l’attractivitad da la chapitala dal Grischun.

Il martgà d’abitaziuns sa cumporta sco in moviment d’ina unda e per il mument essan nus en ina foppa.
Autur: Sandra Maissen cussegliera da citad
video
La citad da Cuira prova da far frunt a la mancanza d'abitaziuns
Or da Telesguard dals 02.03.2023.
laschar ir. Durada: 3 minutas 1 Secunda.

Ins dovra in pèr extras

audio
La tschertga difficila dad in'abitaziun a Cuira
ord Actualitad dals 03.03.2023. Maletg: RTR
laschar ir. Durada: 4 minutas 13 Secundas.

L'extra da Marco Deplazes era in document en pli ch'el ha inoltrà tar sia annunzia per abitaziuns. Là ha el sa preschentà sco en in curs da vita. Ed uschia ha el survegnì l’abitaziun da duas stanzas e mez ch'ha plaschì ad el. Quai suenter ch'il giuven da Surrein ha guardà tschintg ed è s'annunzià per set abitaziuns. En questas ch'el è ì a guardar, hai adina gì ina massa persunas ch'eran interessadas, ed uschia ha el stuì esser spert. Tar sia abitaziun ch’el ha alura survegnì ha Marco Deplazes inoltrà ils documents 15 minutas suenter che la visita ha cumenzà. Pia ins sto esser spert, ins sto crudar si ed ins sto avair pazienza per tschertgar in’abitaziun a Cuira.

Marco Deplazes hat 2 Monate nach einer Wohnung auf dem trockenen Wohnungsmarkt in Chur gesucht
Legenda: Marco Deplazes ha tschertgà dus mais, guardà tschintg abitaziuns e s'annunzià per set abitaziuns. RTR

RTR actualitad 08:00

Artitgels legids il pli savens