Siglir tar il cuntegn

Header

audio
Situaziun en ils reservoirs d'aua
Or da Actualitad dals 15.05.2023. Maletg: Keystone
laschar ir. Durada: 3 minutas 23 Secundas.
cuntegn

Mancanza d'aua La plievgia gida be a curta vista

Ils dis bletschs da primavaira han gidà be limitadamain. I vala da spetgar tge che la stad fa.

Da principi è la sort plievgia ch’i ha dà il matg ideal per emplenir reservuars. Quai di Edith Oosenbrug, idrologa da l’Uffizi federal d’ambient. L’uschenumnà «Landregen», pia plievgia constanta, moderada cun pausas possia sfundrar meglier en il fund cumpareglià cun urizis cun bler’aua en curt temp. Tar quels giaja ina gronda part da l’aua a perder.

Sch’i na dat lais u mirs da serra u mirs culla ina gronda part da l’aua d’urizis giu dal flum
Autur: Edith Oosenbrug idrologa, BAFU

La plievgia actuala ha bain emplenì tschertas reservas, la mancanza da naiv da l’enviern sa fa dentant valair. Sche l’aura vegnia bainprest sitga – e resta sitga – hajan ins in pli grond problem, sco l’onn passà. Da quai avertescha Yves Quirin da l’uffizi per natira e l’ambient dal grischun.

En las funtaunas manca ina gronda part da l’aua da naiv, che nus essan disà da quest temp da l’onn
Autur: Yves Quirin manader da partiziun aua sutterana e d’abitadis, ANU

Il problem è, che las bleras vischnancas grischunas, cunzunt en las regiuns muntagnardas, retiran l’aua da funtaunas.

Salvar e scumparter

En il futur na perdia la svizra betg il renum dal chastè d’aua ,manegia Edith Oosenbrug. Grazia a la topografia vegnia a plover adina en Svizra. I possia dentant dar pli lungas periodas sitgas cun plievgias pli punctualas ed intensivas.

Percunter vegnia a dar damain naiv en futur. Impurtant saja lura da pudair salvar quell’aua e da scumparter ella tenor ils basegns da la populaziun. Las leschas per quella na datti anc betg, l’aua è la cumpetenza dals chantuns. Fin il 2025 ha il cussegl federal dentant planisà in sistem da preavertiment naziunal, sin basa da quel la distribuziun d’aua duai vegnir decidì.

RTR actualitad 07:06

Artitgels legids il pli savens