Siglir tar il cuntegn

Header

Gian-Paolo Curcio
Legenda: Gian-Paolo Curcio Rectur da la scola auta da pedagogia dal Grischun
cuntegn

Mancanza da magistraglia Situaziun fitg differenta tar las scolas en il Grischun

Fertant che tschertas scolas n’han per regla betg problems da chattar persunas d’instrucziun, han autras grondas miserias. La situaziun è fitg differenta en il Grischun e dependa tranter auter da la lingua d’instrucziun e da la regiun.

Chattar scolastas e scolasts saja ina sfida – onn per onn. Pli perifera che la scola è e pli grev ch'igl è da chattar persunas d'instrucziun. Quai han plirs manaders da scola ditg envers RTR. Ils manaders da scola da Breil e da Donat, per exempel, èn mintg'onn puspè sco sin spinas.

audio
Scolas da Breil e Donat ch'han bregias d'occupar plazzas
aus Actualitad vom 29.03.2022.
abspielen. Laufzeit 3 minutas 23 Sekunden.

Ina rolla fitg impurtanta tar la scolaziun da novas persunas d’instrucziun gioga en il Grischun la scola auta da pedagogia a Cuira, nua ch’era las scolastas ed ils scolasts rumantschs vegnan scolads. Las cifras da las studentas e students rumantschs è constanta. Ils davos onns han enturn 16 persunas per onn recaltgà il diplom da scolast.

Ina mancanza da persunal generala na poss jau betg suttascriver, jau schess dentant ch’ins ha punctualmain fadia da chattar persunas d’instrucziun.
Autur: Gian-Paolo Curcio rectur scola auta da pedagogia dal Grischun

Tuttina han tschertas scolas gronds problems d’occupar plazzas che vegnan libras. Era il rectur da la Scola auta da pedagogia dal Grischun, Gian-Paolo Curcio, conferma quai. I saja savens era in si e giu. I dettia periodas en las qualas ch'i ha avunda persunas d’instrucziun, lura puspè autras cun in manco. Savens saja era d’udir, che la problematica saja surtut gronda en il Grischun rumantsch e talian. Ma era là stoppian ins differenziar. Fertant ch’ina scola chattia lur persunal, saja quai tar ina scola vischinanta tut tenor fitg grev.

audio
Situaziun actuala
aus Actualitad vom 29.03.2022.
abspielen. Laufzeit 2 minutas 44 Sekunden.

L’attractivitad da la scola è centrala

Tge che la scola po far activamain, è tenor Gian-Paolo Curcio da sa posiziunar a moda positiva. Tar quai tutga d'avair ina pagina d’internet attractiva, esser activ sin las raits socialas e da mussar co che la scola viva e tge cultura ch’ella ha.

In punct impurtant ord vista da la Scola auta da pedagogia è tenor il rectur, ch’ins guardia da laschar far las studentas ed ils students rumantschs ils praticums en scolas rumantschas. Quai dettia in’invista en la scola, en la squadra da scolastas e scolasts ed els vesian co che la scola vegn manada. Ma era da la vart da la scola vesian ins, sche questa persuna va à prà cun la filosofia da la scola. E tut tenor possian ins lura gia in zic liar la praticanta u il praticant cun la scola.

audio
Mesiras e pussaivladads da meglierar
aus Actualitad vom 29.03.2022.
abspielen. Laufzeit 3 minutas 28 Sekunden.

RTR actualitad 07:00

Artitgels legids il pli savens

Scrollar a sanestra Scrollar a dretga