Siglir tar il cuntegn

Header

cuntegn

Mancanza da naiv 16 fatschentas han preannunzià lavur curta per il december

16 fatschentas turisticas sa han preannunzià tar il chantun per indemnisaziun da lavur curta per il mais da december. Tranter quellas firmas sajan per exempel pendicularas ubain restaurants da muntogna.

Set dumondas sajan gia vegnidas approvadas – ed era tar las autras quinta il chantun cun ina resposta positiva. Quai ha il manader da l'Uffizi per industria, mastergn e lavur, Gian Reto Caduff, ditg envers il schurnal regiunal dad SRF. Per survegnir l'approvaziun stoppian las firmas demussar ch'ellas han gì pli pauca svieuta pervia da la mancanza da naiv.

Sch'ina fatschenta ha survegnì l'approvaziun, lura ha ella trais mais temp da furnir ulteriuras infurmaziuns. Ellas ston mussar ch'ellas han gì ina sperdita dad almain 75% cumpareglià cun auters onns.

Ils emprims 10 dis senza lavur na cumpensescha il chantun betg. Per il mais schaner èn fin uss duas dumondas sin maisa tar il chantun.

audio
Per tadlar: las novitads da las 06:00
ord RTR Audio dals 16.01.2023.
laschar ir. Durada: 6 minutas 35 Secundas.

RTR novitads 06:00

Artitgels legids il pli savens