Ils onns 90 cun ina auta cifra da dischoccupaziun è la lescha da dischoccupaziun vegnida revedida totalmain. Uschia èn ils centers d'intermediaziun vegnids mess en pe il 1996/97 per regiunalisar e professiunalisar l'intermediaziun, cussegliaziun e controlla da dischoccupads.
Oz è la cifra da dischoccupaziun pli bassa che insacura durant quests decennis, quai munta er ina midada per ils cussegliaders da persunal. Gian Reto Caduff, il manader da l'uffizi, di ch'ils centers hajan bain era en il futur ina legitimaziun d'existenza, la lavur dals cussegliaders sa midia dentant.
Sche la fiera tschertga persunal qualifitgà, è la via da spluntar tar l'Uffizi da scolaziun professiunala dastrusch. Quai conferma Curdin Tuor, il manader da quel. Els dentant, na possian betg gidar en quella situaziun.
