Siglir tar il cuntegn

Header

audio
Per tadlar: La differenza tranter mandarinas e clementinas
Or da Actualitad dals 21.12.2022.
laschar ir. Durada: 2 minutas 45 Secundas.
cuntegn

Mandarinas e clementinas Ils cocs fan la differenza

L'odur da mandarinas tutga tar il temp d'advent. Ma tge è insumma la differenza tranter mandarinas e clementinas? Ellas tutgan tar las pli veglias plantas da cultura dal mund ed èn parentas stretg ina cun l'autra. Avant circa 200 onns è la mandarina arrivada da l'asia en l'europa.

Ils Europeans han sviluppà vinavant la mandarina. Cun cruschar cun auters fritgs da citrus è sa sviluppà la clementina. La gronda differenza tranter mandarinas e clementinas èn ils cocs, clementinas han bler pli paucs cocs che mandarinas. Uschia han las clementinas conquistà plaun e plaun ils regals da nossas butias e stgatschà las mandarinas da la partiziun da fritgs. Perquai che cocs èn per blers insatge che va insumma betg. Tar ils grossists vegnian surtut vendì clementinas.

Plantascha da mandarinas en la China.
Legenda: Plantascha da mandarinas en la China. Reuters

Sco tar tut ils fritgs datti tar mandarinas e clementinas sorts baudas e tardas, da november fin avrigl pon ins cun buna conscienzia dir ch'ellas èn en la stagiun. Dal rest duess ins betg conservar mandarinas e clementinas en la frestgera, quai na cumportan ellas betg uschè bain.

RTR actualitad 12:00

Artitgels legids il pli savens

Scrollar a sanestra Scrollar a dretga