Ils Europeans han sviluppà vinavant la mandarina. Cun cruschar cun auters fritgs da citrus è sa sviluppà la clementina. La gronda differenza tranter mandarinas e clementinas èn ils cocs, clementinas han bler pli paucs cocs che mandarinas. Uschia han las clementinas conquistà plaun e plaun ils regals da nossas butias e stgatschà las mandarinas da la partiziun da fritgs. Perquai che cocs èn per blers insatge che va insumma betg. Tar ils grossists vegnian surtut vendì clementinas.
Sco tar tut ils fritgs datti tar mandarinas e clementinas sorts baudas e tardas, da november fin avrigl pon ins cun buna conscienzia dir ch'ellas èn en la stagiun. Dal rest duess ins betg conservar mandarinas e clementinas en la frestgera, quai na cumportan ellas betg uschè bain.