Il cudesch «Theatergeschichte der Drei Bünde» è la finiziun d'in project scientific che Manfred Veraguth ha fatg tar l'Institut grischun per la perscrutaziun da la cultura (ikg). Perquai ha el era passentà bler temp en ils archivs per tschertgà funtaunas adattadas per il cudesch.
I è sta bel da tschertgà en quels documents e chattar chaussas ch'ins ha fin ussa forsa valità in zic auter.
Per exempel saja interessant ch'i haja dà inscenaziuns da tuttas modas e manieras e quai era ora sin la terra e na betg mo en las citads. Divertiment haja mintgin gugent. Quai saja era gia stà uschia avant passà 500 onns. E sch'i haja dà ina pussaivladad da far festa hajan ins era prendì quella.
La muntada dal teater
Il teater è in cumpogn fidaivel da Manfred Veraguth. Gia dapi pitschen fa el sez teater, ils davos onns è el savens stà reschissur ed a Berna ha el studegià istorgia e scienzas da teater. Ch'el scriva in cudesch davart l'istorgia da teater na fa perquai betg surstar.