Il quantum d’energia che la Grischelectra SA ha vendì l’onn da fatschenta 2019/2020 – è creschì en cumparegliaziun cun l’onn avant per sis pertschient, sin radund 635 milliuns uras kilowatt. Las entradas per quest quantum han muntà a 32,8 milliuns francs.
Da quest resultat ha er il maun public pudì profitar. Il chantun Grischun, las vischnancas concessiunarias da la Corporaziun Energia Engiadina e la vischnanca Mesocco han survegnì en total 2,5 milliuns francs.
La Grischelectra SA
Avrir la boxSerrar la box
La Grischelectra SA è ina societad d'electricitad d'acziunaris ch'exista dapi il 1978. Acziunaris èn tranter auter il chantun, diversas vischnancas ed ovras electricas grischunas. L’intent da la societad è tranter auter da nizzegiar l’energia furnida da las vischnancas grischunas e dal chantun Grischun.
