Siglir tar il cuntegn

Header

cuntegn

Grischun Martin Candinas daventa manischunz da camiun

Candinas mida dentant be per trais dis la chamischa e cravatta encunter chautschas da lavurar e chalzers auts. Quai per la nova emissiun da «SRF HE!MATLAND – Vier zum Volk».

Fotografia da Martin Candinas
Legenda: Martin Candinas Keystone

Tge capita, sch'in cusseglier naziunal mida chamischa e cravatta encunter guants da lavurar e chalzers da bajetg?

La resposta pon ins mirar questa saira sin SRF 1 en l'emissiun «SRF HE!MATLAND – Vier zum Volk».

L'idea da l'emissiun: In politicher vegn mess en ina situaziun nunusitada ch'el ha betg gronda enconuschientscha e che correspunda betg exnum a ses mintgadi.

L'emprima emissiun cumenza cun Martin Candinas, cusseglier naziunal, oriund da Rabius. El è stà trais dis sin viadi, cun chauffeurs da camiun ed ha lavurà tar la firma da transport Hochuli AG.

audio
Bunura: SRF Heimatland – Martin Candinas en il camiun
ord Actualitad dals 11.01.2018.
laschar ir. Durada: 2 minutas 56 Secundas.
Per mai è quai stà in nov mund, ina nova fascinaziun ed ina sfida interessanta.
Autur: Martin Candinas Cusseglier naziunal

Durant l'emissiun pon ins guardar sias lavurs ch'el ha da far sco chauffeur da camiun: chargiar e stgargiar il camiun, manischar in plunader u durmir ina notg en la cabina dal camiun.

RR actualitad 08:00

Artitgels legids il pli savens