La cassa da pensiun dal Grischun (CPGR) ha fatg l'onn passà ina rendita da -7,7% sin sia facultad da 3,3 milliardas francs. Quai saja in resultat marcantamain meglier che la media da las cassas da pensiun svizras (-10%). Il grad da garanzia per la fin da l'onn 2022 giascha tar 107,5% e giascha entaifer la mira a lunga vista. Malgrà il grev onn d'investiziuns 2022 saja la CPGR anc adina solida.
L'onn 2022 saja stà in onn plain sfidas per las cassas da pensiun, scriva la CPGR en ina communicaziun. Aczias ed obligaziuns hajan l'emprima giada en l'istorgia pers il medem mument valurs da duas cifras. Quai haja laschà enavos fastizs. El hajan dentant pudì limitar las perditas cun in portfolio vast ed ina cumpart auta d'immobiglias.
