Actualmain mancan tar la Retica set persunas per manischar ils trens. Quai na tuna betg da bler. Tuttina vul quai dir per il persunal actual, ch'els han da far sururas e na pon betg retrair il temp liber sco giavischà. Per restar cumpetitiv entaifer la branscha, ha l'interpresa ussa auzà las pajas. Sper quai èn ils responsabels era da l'avis, ch'ils trajects che mainan sur ils binaris grischuns èn ils pli bels.
Tenor il sindicat dals locomotivists na bastan quellas mesiras però betg. Els vulan sper la paja pli auta – che l'interpresa dettia era la pussaivladad da pudair cumpensar las sururas, ma era da pudair lavurar en in pensum parzial.
Il problem principal è però ch'il martgà da locomotivists è en l'entira Svizra tendì. Sper quai dovri temp per scolar novas persunas che pon manar ina locomotiva. La scolaziun dura en tut 15 mais.
