Siglir tar il cuntegn

Header

cuntegn

Mesiraziuns da record Deflussiuns extraordinarias en l'entir Grischun

Inundaziuns e sbuvaditschs – auals e flums èn s'emplenids. Las plievgiadas da questa notg han chaschunà deflussiuns fitg autas.

La deflussiun che è vegnida mesirada oz è stada en plirs flums dal chantun (per exempel Rain Posteriur u Moesa) sin livel da record dapi ch'ins mesira.

En il flum Landwasser è oz da bun'ura vegnì mesirà ina deflussiun da 51 m3/s. Quai è la secund auta cifra dapi ch'i dat mesiraziuns l'onn 1967. Sulettamain l'onn 1975 è la deflussiun anc stada pli auta.

audio
Saira: Plievgia intensiva duess sa calmar ils proxims dis
ord Actualitad dals 12.06.2019.
laschar ir. Durada: 2 minutas 32 Secundas.

Betg mo la plievgia

La plievgia è segiramain stada in motiv per ch'i ha dà auas grondas. En Val Mesauc ha i pluvì ils davos trais dis schizunt varga 160 milimeters. En autras regiuns ha i dentant duvrà dapli che la plievgia per ch'i è vegni tar quellas auas grondas:

En il Grischun Central ed en l'Engiadina n'hai gnanc pluvì uschè bler. Qua sto la luada da naiv era avair giugà ina rolla impurtanta.
Autur: Gaudenz Flury meteorolog SRF Meteo

Situaziun sa calma ils proxims dis

Ils proxims dis vegn la situaziun d'aua en il chantun dentant a sa calmar. La gievgia ed il venderdi vegn i a dar bler sulegl ed era il risico da urizis resta pigns. La fin d'emna vegn l'aura puspè pli malruassaivla. I è dentant betg da quintar cun pli grondas auas grondas.

RR actualitad 17:00

Artitgels legids il pli savens