Siglir tar il cuntegn

Header

video
Ils portgs selvadis turnan e tge sfidas che quai chaschuna
Or da Telesguard dals 14.11.2022.
laschar ir. Durada: 4 minutas 37 Secundas.
cuntegn

Mesolcina Regular ils portgs selvadis è grev

En las valladas dal sid crescha la populaziun da portgs selvadis fermamain. Il potenzial per donns da cultira tras portgs selvadis è grond. Er pon ils animals purtar e derasar malsognas. Perquai sto il chantun regular la populaziun da portgs selvadis.

Ils portgs selvadis immigreschian da la provinza da Sondrio e da la Valtellina en Svizra. Surtut en las valladas dal sid dal Grischun; en la Mesolcina ed en il Puschlav creschia la populaziun dals portgs selvadis fermamain. En il Grischun dal Sid sajan las circumstanzas da viver per ils portgs selvadis idealas.

Populaziun sto vegnir regulada

Ils animals hajan per l'ina grond potenzial da chaschunar donns da cultira e possian purtar e derasar malsognas. La pesta dals portgs e la pesta da portgs africana fetschia in zic tema. Cun la regulaziun hajan ins gia cumenzà durant la stad cun agid dals guardiaselvaschinas e chatschaders e chatschadras autorisadas. Perquai hajan ins quest onn suenter l'emprima part da la chatscha sajettà schon bunamain uschè blers portgs selvadis sco l'onn passà durant l'entir temp da chatscha. Sco Hannes Jenny da l'Uffizi da chatscha e pestga dal Grischun di, spetgian ins quest onn in nov record da sajettadas da portgs selvadis en il Grischun.

RTR novitads 12:00

Artitgels legids il pli savens

Scrollar a sanestra Scrollar a dretga