Siglir tar il cuntegn

Header

video
65 onns Vilan
Or da Telesguard dals 25.10.2022.
laschar ir. Durada: 4 minutas 9 Secundas.
cuntegn

Midada da num per il giubileum Manor daventa curtamain puspè Vilan

Il 1957 era la stizun amez la citad da Cuira ina sensaziun per far cumpras. La pli gronda e suletta en quella moda e maniera. Ed er oz è il Manor quella stizun che porscha tut sur pliras auzadas.

L' emprima stgala rullanta en il Grischun era da lezzas uras en il Vilan. Da quests temps saja quai stà ina vaira sensaziun ed entiras classas da scola vegnivan per guardar quella stgala. En quels onns era il Vilan l'emprima stizun sur pliras auzadas che purschiva quasi tut, da mangiativas a resti e bler auter.

Er las reclamas en quels temps eran savens per rumantsch. Oz na saja quai betg pli uschia, perquai che la communicaziun saja centralisada.

Fertant che Manor Svizra festivescha quest onn il 120avel anninversari è il Manor a Cuira 65 onns. Las sfidas per il futur sajan oravant tut la vendita online ed en il lieu, lura la mancanza da persunal che pertutgia er els e vitiers guardar da salvar il connex regiunal. En mintga cas veglia il Manor restar a Cuira, ha ditg Mario Bosnjak, il directur dal Manor Cuira.

RTR Telesguard 17:40

Artitgels legids il pli savens