-
Bild 1 von 4. Concentraziun per la lavur en il MINT-Camp. Bildquelle: RTR, Tona Poltera.
-
Bild 2 von 4. Buglir è ina lavur da concentraziun e da precisiun. Bildquelle: RTR, Tona Poltera.
-
Bild 3 von 4. Ord quest material vegn contruì in aviun. Bildquelle: RTR, Tona Poltera.
-
Bild 4 von 4. Il product final d'in di al MINT-Camp. Bildquelle: RTR, Tona Poltera.
«La fin dal di han ils uffants construì in aviun», di Urs Michel, responsabel per la scolaziun tar la firma Trumpf a Grüsch. Durant ils camps vegnan ils uffants sensibilisads per ils roms matematica, informatica, scienza natirala e tecnica. Durant in'emna dastgan els guardar davos las culissas da las firmas Trumpf, Georg Fischer e la EMS-Chemie a Domat.
Emprim contact cun emprendists futurs
Ils MINT-Camps n'èn betg be interessants per ils uffants, mabain er per las firmas che porschan tals camps. Per las firmas saja central da pudair fascinar ils uffants per ils roms da MINT. La speranza è ch'ils scolars e las scolaras turnan forsa in di per far in emprendissadi. Uschia sappian els segirar la proxima generaziun d'emprendists.
Situaziun da win-win
Per Lilian Ladner da la Scol'auta da pedagogia dal Grischun è la collavuraziun cun las firmas ina fitg buna chaschun er per la magistraglia futura. Era ils scolasts stoppian numnadamain reducir la distanza tranter teoria e pratica. Il medem mument sappian ils students e las studentas sa gidar cun tips pedagogics.
RR actualitad 07:00