Siglir tar il cuntegn

Header

video
Moda exclusiva engiadinaisa
Or da Telesguard dals 11.01.2018.
laschar ir. Durada: 4 minutas 24 Secundas.
cuntegn

Grischun Moda engiadinaisa a la Vitalini

Moda exclusiva na sto betg exnum vegnir da Paris, London u New York. A San Murezzan numnadamain creescha in giuven engiadinais sia atgna moda. En l'ambient enconuschent ha el bajegià si ina fatschenta da moda, nua ch'el lavura durant il di. Durant la notg, ha el auter da far.

Da notg è Silvano Vitalini activ. Lura numnadamain, maina el ina bar amez San Murezzan. El è ina persuna che n'ha betg gugent lungurella.

Jau hai gia adina gì dus jobs. E sche in è da di, sto tschel bunamain esser da notg.
Autur: Silvano Vitalini

Da di n'è il giuven da 31 onns betg pli barista, mabain designer da moda. Duas lavurs n'ha el dentant betg mo per il plaschair, quai è necessari pervia da ses stil da viver. El fa blers differents sports, fa viadis qua e là e giauda bun da mangiar.

San Murezzan enstagl da New York

En ina fatschenta amez San Murezzan venda el sut ses agen label sia moda. Silvano Vitalini è creschì si a Samedan. Suenter il studi da moda a Turitg n'è el betg ì en ina da las grondas metropolas da moda dal mund. El ha vulì star là, nua ch'el ha il sustegn da ses amis e sia famiglia. E tgisà, forsa ristga el anc en il futur il pass ora en il grond mund da la moda.

TR Telesguard 17.40

Artitgels legids il pli savens