En il chantun grischun han ins l'onn passà dumbrà 1'637 naschientschas. Quai èn set novnaschids dapli che anc in onn avant, dentant 5% pli pauc che la media dals diesch onns precedents.
Cuntrari èsi tar ils mortoris: Cun 1'800 mortoris hai il 2020 dà 54 cas da mort dapli ch'il 2019 en Grischun, bun 5% dapli ch'ils davos diesch onns.
Situaziun svizra
En Svizra è mortas l'onn passa bunamain 76'200 persunas, in nov record. Quai èn 12,4% dapli mortoris ch'il 2019, communitgescha l'Uffizi federal da statistica. Ils mais mars ed avrigl èn mortas radund 1'700 persunas dapli che durant ils medems mais da l'onn avant. Da l'october fin il december hai schizunt dà 45% dapli mortoris che l'onn avant. Ils mortoris dad umens èn s'augmentads pli ferm che quels da dunnas. Ils pli blers cas da mortori hai dà en ils chantuns Tessin, Giura, Basilea-Citad, Glaruna, Neuchâtel e Schaffusa.
