Museum d'art a Cuira - Exposiziun Scalafundas da Corsin Fontana
Il Museum d'art a Cuira mussa las ovras da l'artist Corsin Fontana ch'abitescha a Basilea ed a Cumbel. I sa tracta d'ovras, cunzunt maletgs, che l'um da 77 onns ha malegià il davos decenni.
Legenda:
Ovras malegiadas sin taila da glin
RTR, Carmen Monn
2 / 3
Legenda:
Maletgs en nair ed alv enramads
RTR, Carmen Monn
3 / 3
Legenda:
Corsin Fontana dovra savens crida d'ieli per malegiar
RTR, Carmen Monn
La finamira da l'artist è da crear ovras simplifitgadas e reducidas sin il minimum. Quai fa el gugent cun crida d'ieli sin taila da glin. Cunzunt la colur naira fascinescha el:
La colur naira dat a mai ina tscherta segirtad. Quella colur ha adina tratg mai – jau na sai betg exact pertge, ma cura ch'jau malegel cun nair ma sent jau segir.
1 / 4
Legenda:
In'ovra fatga ord taila filien.
RTR, Carmen Monn
2 / 4
Legenda:
Corsin Fontana malegia er en colur.
RTR, Carmen Monn
3 / 4
Legenda:
Ina sculptura veglia da palpiri – quai è stada l'emprim'ovra da Corsin Fontana.
RTR, Carmen Monn
4 / 4
Legenda:
Fotografias da ses amis sin palpiri da lain – sblatgì dal sulegl.
RTR, Carmen MOnn
Musica nordafricana
L'entira exposiziun vegn accumpagnada da musica nordafricana. Tras ils numerus viadis da Corsin Fontana en il Maroc, l'Algeria e Tunesia ha el emprendì d'enconuscher la cultura africana ed araba. Adina puspè ha el cumprà cassettas e quellas san ins ussa guardar ed udir en l'exposiziun.
1 / 2
Legenda:
Cassetas da musica estra
En l'exposiziun el Museum d'art san ins guardar in film da documentaziun davart il pievel ch'abitescha el sid da Maroc.
RTR, Carmen Monn
2 / 2
Legenda:
L'influenza da la musica
Quella gruppa da maletgs vesa ora sco ina partitura.
RTR, Carmen Monn
Scalafundas
Il num Scalafundas na chattan ins betg en il vocabulari. Tuttina ha quel pled in connex cun il rumantsch. I saja numnadamain in gieu da pleds che Corsin Fontana e ses amis faschevan da giuven: Crear pleds che tunan rumantsch.
Exposiziun
Avrir la boxSerrar la box
Maletgs – en alv e nair u da colur, sculpturas da palpiri u taila da filien – quai ed anc bler auter pon ins guardar davent dals 28 d'avust enfin ils 21 da november 2021 en il Museum d'art a Cuira.
