Ella è onn per onn il punct final en il program annual dal Museum d'art dal Grischun – l'exposiziun annuala da las ovras da las artistas e dals artists grischuns. Quest onn po era Notta Caflisch esser da la partida.
In'ovra artistica cun ragischs a la scola politecnica ETH a Turitg
Ina da las installaziuns che vegnan mussadas quest onn vegn da l’artista grischuna Notta Caflisch. Dapi onns s’occupa ella cun ils morins e lur simbolica. Ils morins, quai èn quels ureglins en aur ed emagl ch’èn tradiziun surtut en l’Engiadina Bassa.
En l’exposiziun mussa Notta Caflisch in scan da 3D dad in morin. La grondezza extraordinaria, uschè gronda sco in chau uman, duai pussibilitar da guardar en egl al morin. Impurtant saja per ella che l’aspectatura u l'aspectatur possia era reflectar, guardond l’object da differentas varts e perspectivas.
Cun agid dals perscrutaders dad insects
Realisà è il maletg vegnì cun sustegn da la partiziun d’entomologia a la scola politecnica federala a Turitg. Grazia ad in inscunter casual è sa dada la collavuraziun cun l’artista.
la digitalisaziun dal morin
-
Bild 1 von 8. Era la perscrutaziun dad insects po profitar da la digitalisaziun. Bildquelle: RTR.
-
Bild 2 von 8. Las perscrutadras pon analisar insects cun models da 3D per ina pli detagliadamain e per l’autra era senza stuair far viadis tar autras universitads cun ils exemplars reals. Bildquelle: RTR.
-
Bild 3 von 8. Trais uras èsi da spetgar fin ch'il computer ha quintà ora tut ils maletgs singuls ad in model da 3D. Bildquelle: RTR.
-
Bild 4 von 8. Per far in maletg digitalisà vuli 100 giadas 100 maletgs singuls. Bildquelle: RTR.
-
Bild 5 von 8. L'artista Notta Caflisch ha podì duvrar per sia lavur in morin da l'engiadinaisa Mevina Puorger. Bildquelle: RTR.
-
Bild 6 von 8. Mevina Puorger, possessura da morins, è fascinada da pudair guardar uss ses morins uschè detagliadamain. Bildquelle: RTR.
-
Bild 7 von 8. Il morin – grazia al scanner da l’ETH uschè grond sco anc mai. Bildquelle: RTR.
-
Bild 8 von 8. Per Christian Felsner, che maina il project dal scanner 3D, è la digitalisaziun dal morin in project da pilot per perfecziunar lur scanner. Bildquelle: RTR.
Ils perscrutaders e las perscrutadras dad insects disponan per lur lavur dad in scanner da 3D per digitalisar insects. Uschia saja betg be pussibel da far analisas pli deatgliadas dals animals, ma era da far quai senza stuair far il viadi a Turitg. Perscrutadras da tut il mund possian avair uschia access a las collecziuns d'entomologia da l'ETH.
Per ils perscrutaders saja questa collavuraziun cun l'artista in project da pilot per pudair testar sco era sviluppar vinavant lur maschina da far scans.
Ils morins èn in project en lavur
Quest’installaziun furma ina part dad in project pli grond per il qual che l’artista Notta Caflisch ha fatg viadi la stad passada tar differentas dunnas engiadinaisas. Là ha ella fotografà las dunnas, lur morins e rimnà lur istorgias cuminaivlas.
Las fotografias e questas avischinaziuns duajan lura far part pli tard ad in ulteriur project artistic che duai pussibilitar da contemplar e reflectar dals morins, lur simbolica e lur rolla per lur purtadras.
Or da l'archiv:
