Siglir tar il cuntegn

Header

video
Quest onn èn ils luschards ed ils giats en il center
Or da Telesguard dals 09.01.2023.
laschar ir. Durada: 2 minutas 5 Secundas.
cuntegn

Museum da la natira grischun Exposiziuns spezialas davart luschards e giats

In dad els posseda in pail, l'auter ha ina pel sitga. In va a chatschà, l'auter vegn chatschà. Il giat ed il luschard taclà, ils dus animals ch'il Museum da la natira dil Grischun purtretescha quest onn, na pudessan betg esser pli differents. Tuttina han els insatge communabel.

In animal periclità

Il luschard taclà è ina da quatter spezias da luschards en Svizra. La populaziun saja dentant sa diminuida considerablamain ils ultims onn, di il pedagog dal museum Flurin Camenisch. L'animal è sin la glista cotschna da la Confederaziun. Perquai vegn mussà co il luschard viva e tge che mintgin e mintgina po far per proteger el. Tranter auter è quai da mintgatant laschar in zic dischurden en l'agen curtin:

audio
Museum da natira: exposiziuns spezialas davart luschards e giats
ord Actualitad dals 09.01.2023. Maletg: Keystone
laschar ir. Durada: 2 minutas 30 Secundas.
Ins ha il sentiment che tut stuess avair ses plaz ed esser en urden. Ins pudess dentant engrondir il spazi da viver dals luschards verds cun laschar intgina roma per ch'els pon sa zuppar.
Autur: Flurin Camenisch dal Museum da natira dal Grischun

Dapli tips datti lura en l'exposiziun davent dals 9 da mars enfin ils 6 d'avust. Pli tard lura, ils 24 d’avust enfin ils 21 da schaner 2024 è il museum deditgà a l'animal da chasa popular en Svizra – il giat. Qua èn 1,5 milliuns giats registrads.

In animal popular

Tranter auter mussa il museum danunder ch'il giat deriva e cura ch'el è vegnì dumestitgà. Era sch'il animal pailus passenta bler temp en chasa, saja el era ina part dal sistem ecologic, di Flurin Caviezel. Uschia vala era il luschard verd, sper mieurs ed utschels, sco preda bainvesida. Ils dus animals ch'han sin l’emprima egliada pauc communabel, han pia tuttina da far insatge in cun l'auter.

RTR actualitad 17:00

Artitgels legids il pli savens

Scrollar a sanestra Scrollar a dretga