Siglir tar il cuntegn

Museum da la natira Il museum da la natira

¼ milliun exponats posseda il museum da la natira. Ma ils blers èn zuppads en il tschaler dal museum e cun els era las istorgias davos ils exponats. Per quels exponats zuppads, lur istorgias e tge che quels han da far cul mund dad oz vai en quest dossier.

il baghetg da Bruno Giacometti
Legenda: Il museum da la natira, Cuira il baghetg, construì dal architect Bruno Giacometti http://www.wikipedia.ch

Il museum da la natira ha ina lunga istorgia. Ils blers exponats derivan da perscrutaders da la natira grischuns dal 19avel e 20avel tschientaner. A partir dal 1872 vegnivan quels mussads en las localitads dal museum retic dad oz. Pli tard, a partir dal 1919 vevan ils exponats il da chasa en la Villa Planta ch’è oz il museum d’art a Cuira. Pir l’onn 1981 ha il nov museum dal architect Bruno Giacometti pudì vegnir inaugurà:

  • 1981: video da la avertura (Archiv Telesguard dals 21.3.1981)

Il museum da la natira vegn undrà

Oz è il museum da la natira in centrum d’infurmaziun cumplessiv ed el è oz da muntada naziunala: Per sias exposiziuns, ma era pervi da la collecziun en ils tschalers e las activitads pedagogicas è il museum vegnì undrà cun il premi Prix Expo 2014.

.

.

En il tschaler dal museum da la natira

Il museum è bler dapli che mo l’exposiziun. La gronda part dals exponats, en tut 250’000, n’è betg accessibla per ils visitaders. Els èn zuppads en il tschaler. Ils exponats da l'exposiziun mintg'in che enconuscha, mo il interessant è sut terra e quest viadi faschain nus ussa cul pedagog dal museum, cun Flurin Camenisch:

.

.

La collecziun:

Avrir la box Serrar la box
  • Herbarium Raeticum
  • Ils exponats da JJ3 e MM13
  • Exponats historics da lufs, luf-tscherver e tschess barbet
  • Exponats istorics da animals da chasas extincts
  • Collecziuns da insects
  • Chat da aur da la Val Sumvitg (2000)
  • Cristals Piz Cavadiras (Muster) e Val Nova (Vals)
  • Saur sgulond Raeticodactylus filisurensis
  • Ossa da urs da cuvels (St. Antönien)

Pertgè che el lavura gugent en il museum da la natira

Flurin Camenisch maina di per di cunzunt uffants tras il museum. Per il pedagog e biolog è il museum precis quel lieu da lavur dal qual el aveva adina siemià.

.

In museum per chapir la natira

Flurin Camenisch è sez bler or en la natira. Tuttina ha il museum ina funcziun fitg impurtanta per el...

.

.

.

Exposiziun + collecziun = museum da la natira

...insumma, di il pedagog dal museum, haja la collecziun dal museum per el prest dapli impurtanza che la exposiziun sezza

Links

Artitgels legids il pli savens