Museum retic - Guida publica tar exposiziun da 500 onns stadi liber

Suenter in onn cun occurrenzas tut a dubel, datti èn il Museum retic il «grande finale» per tuttas e tuts che vulan anc ina giada mirar, tadlar, palpar ed odurar il Grischun è sia istorgia dapi la fundaziun dal Stadi liber da las Trais Lias. Tar la guida publica da mezdi cun Roland Signer, il co-curatur da l’exposiziun, èn 15 persunas. Daco che las visitadras ed ils visitaders èn vegnids a la guida publica:

En l’emprima part da l’exposiziun datti ina buna purziun istorgia grischuna: Tgi che n’ha anc betg vesì la Brev originala d’allianza da las Trais Lias po anc far quai. Cun la guida pon las visitadras ed ils visitadras dar in sguard en il svilup politic dal Stadi liber sco er s’infurmar davart sia fin cun l’invasiun dals Franzos e la Republica helvetica. Roland Signer declera quels fatgs istorics.

Impressiuns da la quida e l'exposiziun

En la segunda part vai alura per quai che collia las Grischunas ed ils Grischuns e tge che la patria po signifitgar. Quai fa l’exposiziun era cun mussar tge nums ch’èn dapi 500 onns populars en il Grischun: Ils «Johannes» da pli baud en daventads ils «Gian» d’oz, a la basa è quaiil medem num. La pli pitschna stanza procura per la pli gronda activitad: En chistas da lain pon las visitadras ed ils visitaders palpar objects ch’appartegnan al Grischun, saja quai chasas da lindornas, saja quai miscalcas. Sut viertgels da vaider en differentas odurs semtgadas. Co in binari da viafier savura è mo in exempel.

Per ils egls han las visitadras var 160 objects da la populaziun che mussan la varietad dal chantun. Uschia è ina giacca da Helly Hansen in object che ha chattà sia via en la vitrina dal museum. La co-curatura Zoë Schurter declera per tge ch’i va:

La guida ha cuzzà var in’ura. La glieud ha laschà plaschair la guida. Las reacziuns:

Exposiziun speziala cuzza enfin il mars proxim è prolunghescha l'onn da giubileum per trais mais.