Siglir tar il cuntegn

Grischun Na mangian ils Svizzers betg pli uschè bler glatsch?

En media han ils Svizzers mangià l'onn passà 2,3 kg glatsch. Quai è la mesadad da l'onn avant. Las gelaterias grischunas na badan da questa diminuziun nagut. Plitost il cuntrari. Questa stad cun temperaturas da record marscha l'affar meglier ch'ils ultims onns.

Glatsch
Legenda: Glatsch RTR, Natalia Murtas

Dapi il 2003 sa diminuescha il consum da glatsch en Svizra. Quest onn pudess però esser in onn da record. Er sche la vendita da glatsch ha quest onn cumenzà pli tard ch'auters onns, hajan ins pudì vender dapli glatsch, quai grazia a las temperaturas autas. Reclamar na pon las gelaterias quest onn betg.

Tgi che recloma quest onn cun vender glatsch, fa insatge fauss.
Autur: BabisChef da «Der Grieche», en la citad veglia a Cuira

Tge ch'ha midà ils ultims onns, èn ils gusts. Tschigulatta e vaniglia èn er oz anc ferm dumandads. Uffants però han grond gust dal glatsch blau che vess dad esser glatsch da schlumpf. Percunter dumondan creschids savens suenter sorbet che n'ha betg lactosa. Per Babis, che maina ina gelateria en la citad veglia a Cuira e che venda glatsch da latg da bio, è er il glatsch biologic in motiv che sia vendita marscha uschè bain.

RR actualitad 11:00