Naginas surpraisas - Status quo tar ils departaments da la regenza
Jon Domenic Parolini, Marcus Caduff e Peter Peyer restan tar lur departaments. Martin Bühler surpiglia il Departament da finanzas e vischnancas e Carmelia Maissen il Departament d'infrastructura, energia e mobilitad.
Per la proxima perioda d'uffizi dal 1. da schaner 2023 fin ils 31 da december 2026 sa preschenta la repartiziun dals departaments pia sco suonda:
Ils dus cussegliers guvernativs en uffizi surpiglian uschia da lur antecessurs da partida. Carmelia Maissen da l'Allianza dal Center supiglia il departament da Mario Cavigelli ed il liberaldemocrat Martin Bühler il departament da Christian Rathgeb.
I va per quai da mantegnair la cuntinuitad, da metter ensemen in team che funcziuna e jau crai quai è gartegià.
Jau n'ha betg ideas concretas, jau vi emprim survegnir ina survista dal departament en ils proxims mais.
Per ils trais cussegliers en uffizi cumenza uschia la segunda perioda cun il medem departament. Jon Domenic Parolini che va en sia terza legislatura aveva cumenzà cun il departament d'economia publica e fatgs socials, avant ch'i ha dà ina roschada avant quatter onns.
Quantas persunas lavuran insumma per tge departament?
Avrir la boxSerrar la box
Departament da giustia, segirezza e sanadad (Peter Peyer) – circa 1'300
Departement d'infrastructura, energia e mobilitad (Carmelia Maissen) – circa 850
Departament d'economia publica e fatgs socials (Marcus Caduff) – circa 750
Departament d'educaziun, cultura e protecziun da l'ambient (Jon Domenic Parolini) – circa 600
Departament da finanzas e vischnancas (Martin Bühler) – circa 400
