Siglir tar il cuntegn

Header

cuntegn

Grischun Nagins ferids tar incendi a Seewis

A Seewis hai ars la gievgia avantmezdi en ina chasa da dimora. A tut ils abitants èsi reussì da bandunar la chasa senza blessuras, scriva la polizia chantunala.

Curt avant las 08:30 aveva ina collavuratura da la Spitex observà ch'i sortiva fim dad in'abitaziun e ha clamà la polizia. Sisur ha ella alarmà ed evacuà ils otg abitants da la chasa cun quatter auzadas.

Radund 20 pumpiers dal Partenz Anteriur han lura stidà il fieu en l'abitaziun spertamain. In team d'ambulanza da l'ospital Schiers ha tgirà ils evacuads.

En l’abitaziun pertutgada ha l'incendi chaschunà donns da plirs diesch milli francs. Ils donns tras il fim en las ulteriuras parts da la chasa na possian betg anc vegnir stimads, scriva la polizia chantunala.

Las autoritads examineschan uss il motiv da l'incendi.

RR novitads 15:00

Artitgels legids il pli savens