Siglir tar il cuntegn

Header

cuntegn

Grischun Naiv e plievgia – plievgia e naiv

Quest enviern è extraordinari. I naiva e naiva, ma baud u tard cumenzi a plover. Naiv e plievgia, plievgia e naiv, è quai normal?

La cuntrada è curclada d'ina bella cuverta da naiv e tuttenina cumenzi a plover. La plievgia lai svanir la naiv ni che la naiv survegn faudas. La raschun da l’aura variabla cun naiv e plievgia, vents ed aria miaivla è l’Atlantic, di Jörg Zogg dad SRF Meteo. Las zonas da pressiun bassa portan fronts d’aria chauda e d’aria fraida ed uschia er aura variabla.

audio
Saira: Enviern bletsch e miaivel
ord Actualitad dals 19.01.2018.
laschar ir. Durada: 2 minutas 24 Secundas.

Enviern bletsch e miaivel

Quest enviern è pli bletsch e miaivel, sur tut cumpareglià cun l’enviern precedent. Lez è stà zunt fraid e sitg.

Duas sorts d’enviern

U che l’enviern vegn dominà da l’aria da l’ost, da la Russia, lura è l’enviern fraid e sitg. Ni che l’enviern vegn dominà da l’aria da l’Atlantic, lura è l’enviern bletsch e miaivel.

Massa naiv

Ils proxims dis spetga Jörg Zogg ina massa naiv en il Grischun, tranter 60 e 150 centimeters. Nagina naiv da record, dentant è l’enviern 2017/2018 tuttina in zic auters che auters: I saja bletsch e miaivel.

RR actualitad 17:00

Artitgels legids il pli savens