Engiadina
- Plinavant èn las vias tranter Martina a Vinadi sco er tranter Bravuogn e Preda serradas.
- La via dals Pass dal Fuorn, sco er la via da Silvaplana a Brail èn cuvertas cun naiv.
Surselva
- Sisum la Surselva è la via dal Pass dal Lucmagn serrada. La via da la Surselva è uschiglio libra da naiv.
- Er libra da naiv è l'autostrada A13.
Traffic da tren
Pervi da privel da lavinas na curseschan nagins trens sur il Pass da l'Alpsu. Da Tschamut a Sedrun datti bus da remplazzament.
Interrupziuns dal current electric
La naiv ha chaschunà la gievgia per interrupziuns dal current electric. En Surselva èn passa 1'400 chasadas stadas pertutgadas, quai a Segnas, Rueun, Siat, Ruschein e Ladir, communitgescha la Repower.
En l'intschess Engiadina Bassa/Val Müstair hai dà inl venderdi a bun'ura enturn las 07:30 in'interrupziun dal current electric. Tenor las Ovras electricas d'Engiadina haja quella cuzzà circa in quart d'ura. La raschun exacta sto anc vegnir eruida.
RR novitads 06:00++