Siglir tar il cuntegn

Header

cuntegn

Grischun Natalia Gliott: «Lavur voluntara è impurtanta!»

Inner Wheel Club Rätia – uschia sa numna in'uniun da dunnas che s'engascha sin camp caritativ. Dapi il fanadur è Natalia Gliott da Laax presidenta da l'uniun.

Oriundamain era l'Inner Wheel Club in tschertgel da dunnas dals Rotariets, il pendent masculin. Il logo da l'uniun mussa la roda endadens dals Rotariers.

audio
Bunura: Il club da dunnas Inner Wheel Rätia
ord Actualitad dals 08.03.2019.
laschar ir. Durada: 2 minutas 24 Secundas.

1924 è l'uniun dad Inner Wheel vegnida fundada en l'Engalterra – quai or dal motiv da tgirar la cumpagnia e s'engaschar sin camp caritativ. Oz è l'Inner Wheel Club daventà la pli gronda uniun da dunnas independenta cun 3'908 clubs sin l'entir mund.

Il Club Inner Wheel Rätia ha il scopo da tgirar amicizia, solidaritad e la communicaziun internaziunala – tranter autras naziuns – ma era regiuns en Svizra.
Autur: Natalia Gliott Presidenta dal Inner Wheel Club Rätia

L'Inner Wheel Club Rätia è vegnì fundà avant radund 20 onns. Natalia Gliott è commembra dapi 8 onns.

Cura ch'jau hai vis tge finamira che questa uniun ha per propi, cun sustegnair chaussas socialas, sun jau ma decidida d'entrar en quest club. Jau crai che quai engaschi social giascha a nus dunnas uschè u uschia fitg a cor.
Autur: Natalia Gliott Presidenta dal Inner Wheel Club Rätia

Las instituziuns che l'uniun sustegna finanzialmain resguardan il Grischun, la Svizra – ma er l'exteriur. Sin il camp regiunal è quai la Casa Depuoz, la fundaziun Scalottas, la chasa per dunnas a Cuera e l'uniun MOMO.

Sin intschess naziunal, la fundaziun dad ALS – ed internaziunal l'Ospital d'Albert Schweizer a Haiti.

Las commembras da l'uniun s'inscuntran duas giadas il mais a Cuira – ina giada è quai en furma d'in aperitiv, nua che l'esser da cumpagnia giascha en il center.

Igl è impurtant da savair ch'ins ha ina rait ch'ins sa sa discurrer – era lura cura ch'i na va betg uschè bain cun ins.
Autur: Natalia Gliott Presidenta dal Inner Wheel Club Rätia

Sper l'aperitiv, datti ina giada il mais ina s'entuppada nua che las dunnas visitan instituziun socialas, culturalas u prendan part a referats tar differents temas.

Damaun ils, 9 da mars 2019 sa preschenta l'Inner Wheel Club en la Via dalla staziun a Cuira e rimna uschia daners per donaziuns, per uschia sustegnair las instituziuns.

RR actualitad 08:00

Artitgels legids il pli savens