Basegn d'agir vesa il chantun tranter auter a la riva nord dal Lai da San Murezzan e tar il Lai da Tavau, gist sper la via chantunala. Quai rapporta il schurnal regiunal da radio SRF.
En in emprim pass ston las vischnancas da quels 11 lais decider, schebain ins po insumma renatiralisar quels. Enfin la fin da l'onn duai esser cler, tge parts da las rivas che duain puspè vegnir pli natiralas. Be sche quellas planisaziuns èn sut tetg enfin il december, han las vischnancas il dretg da daners da renatiralisaziun da la Confederaziun.
En tut ha il chantun prendì sut la marella 33 lais. Surtut tar lais en las muntognas – lais senza rivas surbajegiadas – na datti nagin basegn d'agir.