Las scolas grischunas duain s'engaschar pli fitg per la promoziun da la sanadad. Il chantun ha perquai decis da far part da la «rait da scolas21 – rait svizra da scolas persistentas che promovan la sanadad». Quai communitgescha l'Uffizi da sanadad grischun.
Sin basa da quella stgaffeschian l'uffizi da la scola populara e l'uffizi da sanadad ussa in post da cussegliaziun. Persunas dal fatg sustegnan ed accumpognan las scolas, uschia che quellas pon promover in stil da viver sanadaivel. Mintga scola po decider sezza sin tge temas ch'ella vul metter il focus. Tenor Denise Rudin da l'uffizi da sanadad stattan latiers differents temas en il center.
Auters temas pudessan esser:
- direcziun da scola e/u persunas d'instrucziun,
- nutriment saun e promoziun dal moviment en il mintgadi da scola,
- prevenziun da dependenzas,
- participaziun,
- concepziun natirala dals conturns, etc.
Tenor l'uffizi sustegnia ina scola che promova la sanadad il bainesser da tut las persunas participadas. Quai haja era effects positivs durabels sin la sanadad ed ils custs.