Siglir tar il cuntegn

Header

cuntegn

Nov project per museums Promover collavuraziun tranter museums e turissem

Durant ils proxims trais onns duai il nov project «museums e turissem da cultura» vegnir realisà – quai cun in budget da 600’000 francs. Tranter auter vegnan ils daners dal chantun, da l’Uniun museums Grischun e da fundaziuns. Promovida duai vegnir la collavuraziun tranter ils museums, ma er tranter museums ed il turissem.

Uschia ch’ils museums daventian la finala pli attractivs e ch’ins fetschia attent giasts sco er indigens, quants museums ch’il Grischun ha insumma da porscher, declera il president da l’uniun, Andreas Leisinger.

Nus avain en Grischun passa 100 museums. Ed jau pretend, sch’ins dumonda in indigen u in giast, sch’els sappian ch’igl ha en la Val Lumnezia u a S-Charl in museum, na san els betg quai.
Autur: Andreas Leisinger president Uniun museums Grischun

Ina varianta, co che l'uniun vul promover la collavuraziun è cun sedutas, nua ch’ils manaders dals museums s’entaupan e sa barattan. In’autra idea è era, da porscher exposiziuns tar in tema en plirs museums – ma mintga museum cun in different focus.

audio
Per tadlar: Las novitads da las 17:00
ord Novitads dals 03.09.2020. Maletg: RTR
laschar ir. Durada: 5 minutas 57 Secundas.

RTR novitads 17:00

Artitgels legids il pli savens