Siglir tar il cuntegn

Header

cuntegn

Grischun Nov spazi da spetga per traffic grev ad Unterrealta

Sin l'areal da la Graubünden VIEH AG ad Unterrealta datti in nov spazi da spetga per retegnair il traffic grev. L'Uffizi federal da vias ASTRA construescha quest nov spazi per radund 60 camiuns.

Il nov spazi duai schliar ils problems ch'i dat adina puspè, cura che l'autostrada è serrada pervi da naiv u sch'il traffic grev sto vegnir restrenschì pervi da memia bler traffic, scriva l'ASTRA. Plinavant han ils camiunists la pussaivladad da far pausas u da pernottar là. Quai è ina mesira che gida a garantir dapli segirezza sin las vias.

Las lavurs per il nov spazi sper l'Arena da Cazas cumenzan quests dis e sin december duess il spazi esser pront. La construcziun custa 5,5 milliuns francs.

Obere Au be pli per urgenzas

Damai ch’il parcadi da l’Obere Au a Cuira vegn en l’avegnir be pli duvrà per cas d’urgenza ha l’ASTRA, en collavuraziun cun il chantun Grischun, guardà tge alternativas ch’i dat. L’areal tar l’arena grischuna a Cazas è sa mussà sco lieu ideal sco spazi da spetga per camiuns.

RR novitads 16:00

Artitgels legids il pli savens