Ina gasetta dal di rumantscha saja e restia indispensabla per la Rumantschia: Per preschentar sia vita, defender ses interess e surtut era per derasar e sviluppar il linguatg. Da quai è la gruppa d'iniziants cun Hans Caprez, Bernard Cathomas, Giusep Nay, Maria Cadruvi e Gion-Andri Cantieni persvadida. Cun quai appel ch'è online via la nova pagina proquotidiana.ch duai il pievel rumantsch sa destadar.
Sche blers suttascrivian l'appel saja quai è in bel signal envers Berna e las contractivas tranter la Lia Rumantscha, il chantun Grischun e la Confederaziun, per anflar ina soluziun transitoria ed era ina nova via a lunga vista per la gasetta dal di rumantscha.
RR actualitad 17:00