Siglir tar il cuntegn

Header

Navigaziun

Fotografia da collavuratura da la Landi cun ina tastga
Legenda: Davent dal 2020 duai er dar a Cuira ina Landi Keystone
cuntegn

Grischun Nova Landi a Cuira duai arver il 2020

La stad 2017 aveva la Landi annunzià ch’ella veglia bajegiar sin l’areal tranter Plankis e l’Argo a Cuira vest ina nova filiala.

Ils plans da la Landi eran dentant vegnids franads perquai ch'il project d'avertura per la citad mancava. Dapi il december da l'onn passà è dentant cler che la citad da Cuira planisescha duas rundellas al hotel «Sommerau» e tranter ils dus lavuratoris Plankis ed Argo. Quels plans hajan era dà glisch verda a la Landi, uschia ha ditg Joachim Kirchler, parsura da la direcziun da la Landi, sin dumonda da la «Südostschweiz»

Pli pitschna che a Tusaun – dentant cun tancadi e stizun

La dumonda da bajegiar per la nova filiala n’è tenor Kirchler anc betg elavurada cumplettamain. La Landi a Cuira duai dentant daventar pli pitschna che quella a Tusaun. E sco era ils bajetgs a Schluein, Landquart e Tusaun duai il bajetg esser ina construcziun da lain. Sper la Landi sezza duai dar in tancadi ed ina stizun. En total quinta Kirchner cun 15 fin 17 novas plazzas en la regiun. Sche tut giaja bain, veglia la Landi avrir l'atun 2020 sias portas.

RR Novitads 08:00