«La granda e la pita» è il num dal project per la nova scola a Malögia. Dapi il 2022 è la vischnanca da Bregaglia londervi dad elavurar ina buna soluziun per il vitg sisum l’Engiadina che tutga tar la vischnanca Bregaglia.
Sanar ni fabritga nov – quai è stà la dumonda
La scola amez la vischnanca da Malögia datescha dal 1902. Il stabiliment è situà gist sper la via principala. La renovaziun e sanaziun è en il fratemp urgenta, e bainspert èsi stà cler ch'i dovra in nov bajetg. La concurrenza d'architectura cun 61 differentas propostas annunziadas ha gudagnà il project «La granda e la pita» da l’ARGE Albertin Architekten ed OG 27 da San Murezzan.
Ils custs totals muntan a 9,15 milliuns francs e duain vegnir finanziads cun la vendita da la chasa da scola veglia, ina cumpart da la vischnanca e cun chapital ester. E sche tut va sco previs, pon scolaras e magistraglia far midada il 2027. Quai en ina scola che duai era servir sco lieu d’inscunter per la populaziun da Malögia.
La scola a Malögia
-
Bild 1 von 6. La 1. & 2. classa. Bildquelle: RTR.
-
Bild 2 von 6. Las stanzas da scola èn plainas. Bildquelle: RTR.
-
Bild 3 von 6. La scola veglia dal 1902. Bildquelle: RTR.
-
Bild 4 von 6. La scola è memia pitschna. Bildquelle: RTR.
-
Bild 5 von 6. La scolina dal project nov. Bildquelle: Albertin Architekten & GYGA.
-
Bild 6 von 6. La scola nova. Bildquelle: Albertin Architekten & GYGA.