Siglir tar il cuntegn

Header

Navigaziun

Legenda: Tadlar il audio Bunura: Trais novs nums per successiun dad uvestg Vitus Huonder. Durada 01:32 minutas.
Or da Actualitad dals 19.03.2019.
cuntegn

Grischun Novs candidats en il carussel

Er sche l'elecziun dal proxim uvestg per Cuira capita en il secret, nums per candidats pussaivels curseschan adina pli blers.

Atgnamain èsi totalmain secret, tgi che vegn sin la glista da candidats per la successiun da l'uvestg Vitus Huonder. Dentant speculaziuns datti adina dapli. Dacurt èn novs nums vegnids agiuntads al carussel da pussaivels candidats: Christian Cebulj, rectur da la Scol'auta da teologia a Cuira ha numnadamain numnà ses trais favurits persunals ch'el pudess s'imaginar sco proxim uvestg. Quai èn Joseph Bonnemain ch'è tranter auter en il cussegl da la diocesa, Urban Federer, l'avat da Nossadunaun e Christian Rutishauser, il parsura dals gesuits Svizzers.

Gia vegnids numnads en in'emprima runda da speculaziuns sco pussaivels candidats per la successiun da Vitus Huonder èn ils vicaris generals Martin Grichting ubain Andreas Fuchs, l'uvestg auxiliar da Cuira Marian Eleganti, l'uvestg auxiliar da Fribourg Alain de Raemy, l'anteriur avat da Nossadunnaun Martin Werlen, il plevon Roland Graf ubain l'anteriur minister dals caputschins Mauro Jöhri.

RR actualitad 07:00