Siglir tar il cuntegn
cuntegn

Grischun Novs promoturs regiunals per la Lia Rumantscha

La Lia Rumantscha ha engaschà dus novs promoturs regiunals en il Grischun Central ed en l’Engiadina Bassa: Gianna Sonder e Linard Martinelli.

Gianna Sonder e Linard Martinelli.
Legenda: Gianna Sonder e Linard Martinelli. MAD, Lia Rumantscha

Gianna Sonder da Salouf sustegna a partir dad immediat Carmen Dedual en la promoziun rumantscha en il Grischun Central. La nova collavuratura è surtut responsabla per administrar projects currents e sviluppar novas ideas per la promoziun rumantscha en il Surmir e la Sutselva.

Linard Martinelli da Lavin è vegnì elegì sco nov promotur regiunal per l’Engiadina Bassa. El cumenza sia lavur l’avust 2019 e remplazza Mario Pult che vegn pensiunà.

22 collavuraturas e collavuraturs a Cuira ed en las regiuns

Ils dus novs collavuraturs cumpletteschan la squadra da la Lia Rumantscha ch’occuppescha actualmain 22 collavuraturas e collavuraturs en la sedia principala a Cuira ed en ils biros regiunals a Glion, Savognin e Scuol.

RR novitads 11:00