Jon Domenic Parolini sin las sendas da viagiar grischunas, Mario Cavigelli cun l'auto a Brissago e Christian Rathgeb cun in campader davent da Mumpé Medel enfin il Giura Bernais. Ils trais cussegliers guvernativs èn sa decidids da far vacanzas en Svizra, malgrà ch'els pudessan suenter dus onns cun mesiras da corona ir in zichel pli lunsch.
Nus vesessan schon era gugent la mar quest onn, ma fin l'ultim essan nus sa decidids da restar en Svizra.
Il tema sgular na para betg dad esser in tema per ils trais politichers. Auter vesi ora tar Marcus Caduff. El e sia famiglia sgolan quest onn in pau pli lunsch: Numnadamain en la Scozia.
Igl è stà il giavisch da mias figlias dad ir en Scozia a guardar chastels.
Sulet il minister da sanadad Peter Peyer na sa enfin uss anc betg nua ch'el va en vacanzas. Ils onns avant aveva el passentà ellas sin l'insla Sardegna. El giess era quest onn là cun la nav-fera, uschiglio giess el era gugent ina giada cun tren en vacanzas.