Siglir tar il cuntegn

Header

video
Numnasontga a Cuira - polizia vul impedir caos da traffic
Or da Telesguard dals 01.11.2017.
laschar ir. Durada: 51 Secundas.
cuntegn

Grischun Numnasontga: Quest onn pli paucas colonnas a Cuira

Mintg'onn cura ch'il 1. da november na croda betg sin ina dumengia, è la citad da Cuira fullanada. Quai chaschuna adina puspè colonnas d'autos en ed enturn la citad. E quest onn era cun il plazzal dal plaz da la posta. Igl è dentant stà ditg quiet.

Noss reporter Ursin Lechmann è stà l'entir di sin via a Cuira per observar il svilup dal traffic. Per evitar in caos da traffic sco mintg'onn il di da Numnasontga ha la polizia da la citad organisà in bus da shuttle davent dal Waffenplatz fin a la staziun da Cuira. Ursin Lechman ha vulì savair quant bain che quai funcziuna ed ha constatà, ch'i n'è betg dal tut cler nua ch'ins dastga parcar sin il Waffenplatz. La finala hai dà pli pauc traffic che quintà. Forsa er perquai ch'igl è stà bel'aura.

Pauc traffic la damaun

A bun'ura era il traffic a Cuira bunamain anc pli quiet che auters dis da lavur. Ed era avant il Manor pareva tut a las 10:00 anc patgific. A noss reporter Ursin Lechmann èsi crudà si che bleras famiglias visitan oz Cuira. Cun la fulla da glieud vegn però pir fatg quint il suentermezdi.

Per evitar in caos da traffic ha la polizia da la citad da Cuira prendì pliras mesiras. Sin l'areal dal «Waffenplatz» pon ins parcar gratuit. Davent da là pon ins ir cun in bus da shuttle enfin la staziun da Cuira, quai medemamain gratuit. Per che quests bus na vegnian betg en las colonnas, endrizza la polizia in corridor per ils bus.

Avertura da l'exposiziun GUARDA!

L'exposiziun d'industria e mastergn GUARDA! ha avert oz en damaun a las 10:00 per l'emprima giada sias portas. Ursin Lechmann ha pudì discurrer cun Flurin Maissen da la Tarcisi Maissen SA ch'expona pignas-scalegl a la GUARDA!.

Ord noss archiv:

video
Numnasontga – Sontg Vilan avant 10 onns
Or da RTR dals 01.11.2007.
laschar ir. Durada: 1 minuta 54 Secundas.

RR actualitad 08:00

Artitgels legids il pli savens