Siglir tar il cuntegn

Header

video
Energia solara survegn schlantsch en il Grischun
Or da Telesguard dals 10.11.2022.
laschar ir. Durada: 2 minutas 53 Secundas.
cuntegn

Offensiva solara Projects gronds er en il Grischun en la pipeline

Sch'i va per parcs solars è savens il Vallais en il focus. Dentant: En il Grischun fissan las premissas meglieras, rapporta SRF.

En il Grischun èn las premissas per gronds parcs solars alpins meglieras ch'en il Vallais. La rait grischuna porschia cun las prestaziuns d'ozendi pli gronda flexibilitad, di il pledader da Swissgrid Jan Schenk. La rait d'electricitad en il Grischun saja fina, cun bleras colliaziuns e sutstaziuns. Plinavant dettia trais colliaziuns d'auta prestaziun che mainian dal Grischun en la Bassa.

audio
Energia solara en il Grischun: il schlantsch è avant maun
ord Actualitad dals 10.11.2022.
laschar ir. Durada: 3 minutas 31 Secundas.

Differents projects

Enconuschent en il Grischun èn enfin uss be dus projects. A Scuol datiers dal territori da skis è planisà in parc da 300'000 meters quadrat cun cellas solaras. Tgi che è la purtadra n'è dentant anc betg enconuschent. Er en la Val Nalps en Surselva duai dar in parc solar che l'Axpo vul realisar. Dentant en tge dimensiun vegn communitgà pir fin november.

Tuttina: tut las grondas interpresas d'energia sajan per il mument vid tschertgar costas adattadas per far indriz solars. Dapi che la Confederaziun ha schluccà las premissas per bajegiar indrizs solars, dettia in vaira boom da projects. Che bainbaut tut las costas sajan lura surbajegiadas cun panels solars na saja dentant betg da temair, di il minister d'energia Mario Cavigelli .

Nus vulain er proteger la natira ed ils auters interess, il puresser e natiralmain er il turissem. Nus vulain mussar ina bella cuntrada, avain dentant tuttina avunda plaz per insaquants parcs solars.
Autur: Mario Cavigelli Minister d'energia dal Grischun

RTR novitads 08:30

Artitgels legids il pli savens

Scrollar a sanestra Scrollar a dretga