Il sistem da sanadad na vegn pli probabel betg al limit pervi da la varianta dal coronavirus Omicron. A quella conclusiun vegn ina collavuraziun da l’Institut federal da controlla da material e da perscrutaziun cun spezialistas dal chantun Grischun e la Germania.
Trais scenaris epidemiologics han las spezialistas elavurà. In indicatur è la cifra che inditgescha a quantas persunas ch’ina persuna infizada dat vinavant il virus. Sche quella cifra da reproducziun restia sut 2 – lura na vegnan las staziuns intensivas pli probabel betg occupadas sin in livel critic. En Svizra era la cifra da reproducziun avant bun 10 dis tar 1.2. Quella conclusiun saja da valitar cun in optimissem precaut.
Divers ristgs sajan numnadamain anc adina avant maun, scrivan ils perscrutaders. Per pudair vinavant tegnair ord l'auter la forsch tranter ospitalisaziuns ed infecziuns novas saja impurtant d'immunisar la populaziun cunter il coronavirus – tanter auter cun la vaccinaziun.
